 |
निगमले बुलेट खरिद गर्न चाहने उद्योगीलाई प्रस्ताव लिएर आउन आह्वान गरेपछि निगममा एक हजार ७९ निवेदन परेको छ । निगमले करिब ४५० वटा बुलेट खरिदका लागि अनुमति दिने तयारी गरेपछि देशभरका ५३ वटा ग्यास उद्योगी र अन्य कम्पनीले बुलेट खरिदका लागि आवेदन दिएका हुन् । हालसम्म मुलुकमा कुनै पनि स्वदेशी बुलेट छैन ।
हाल नेपालमा ग्यास ढुवानी गर्ने सबै बुलेट भारतीय कम्पनीका हुन् । सङ्कटको समयमा अप्ठ्यारो परेकाले बुलेट खरिद गर्न अनुमति दिन लागिएको निगमका प्रवक्ता मुकुन्द घिमिरेले जानकारी दिए।
निगमले ग्यास उद्योगी सङ्घलाई कसले कति खरिद गर्न सक्ने भन्ने विषयमा स्पष्ट भएर आउन भनेको छ । सङ्घको धारणा आएपछि उक्त विषयमा निर्णय लिइने प्रवक्ता घिमिरेले जानकारी दिए ।
हाल ग्यास आयातकै लागि प्रतिवर्ष रु तीन अर्ब ५० करोड रकम भाडामै विदेशीने गरेको छ । विगत ४० वर्षदेखि नेपाली बुलेट नहुँदा हरेक वर्ष उक्त रकम खर्च हुने गरेको अध्यक्ष घिमिरले बताए । उनका अनुसार कर र भन्सार छुट नदिने हो भने एउटा बुलेटको मूल्य रु एक करोड १५ लाख पर्नेछ ।
अध्यक्ष घिमिरेका अनुसार निगमले आह्वान गरेपछि सङ्घका तर्फबाट ७६८ वटा बुलेट खरिदका लागि निवेदन परेको छ । उद्योगीले रातो प्लेट राख्नेगरी खरिदका लागि अनुमति मागेका छन् भने निगमले भने कालो प्लेटको पनि बुलेट खरिदका लागि अनुमति दिने तयारी गरेको छ ।
|
No comments:
Post a Comment